بنگال اسمبلی کے باہر پارا ٹیچروں کا احتجاج

اسمبلی کے گیٹ نمبر 8 پر جمع اساتذہ اسمبلی گیٹ تڑپ کر اندر جانے کی کوشش کررہے تھے، جنہیں پولیس نے قابو کیا اور کئی لوگوں کو حراست میں لے کر پولیس وین میں لے گئے۔

زرعی قوانین کے خلاف احتجاج کر رہے کسانوں کے ذریعہ کے لال قلعہ کے فصیل پر چڑھ کر جھنڈا لہرانے کے محض 24 گھنٹے کے بعد آج اچانک کلکتہ میں احتجاج کررہے پارا ٹیچروں کا ایک گروپ مغربی بنگال اسمبلی کے دروازے پر اچانک پہنچ گیا اور احتجاج کرنا شروع کردیا۔ اس درمیان کچھ افراد اسمبلی میں داخل ہونے کی کوشش کرنے لگے۔

اسمبلی کے گیٹ نمبر 8 پر جمع اساتذہ اسمبلی گیٹ تڑپ کر اندر جانے کی کوشش کرنے لگے۔حالات پر قابو پانے کے لئے خواتین اہلکار سمیت بڑی تعداد میں پولس اہلکاروں نے موقع پر پہنچ کر حالات کو قابو میں کر لیا ہے۔ اساتذہ کو پکڑ پولس وین میں لے جایا گیا ہے۔

اسمبلی کے باہر جمع اساتذہ پاراٹیچر ہیں۔ یہ اساتذہ تنخواہ میں اضافہ اور پنشن کا مطالبہ کررہے ہیں ۔خیال رہے کہ اسمبلی کا دوروزہ خصوصی اجلاس آج سے شروع ہورہا ہے۔