بہار اسمبلی انتخابات کے آخری مرحلے کی ووٹنگ سے قبل وزیر داخلہ امت شاہ نے دعویٰ کیا ہے کہ بہار میں قومی جمہوری اتحاد (این ڈی اے) کی جیت ہوگی اور نتیش کمار کی ایک بار پھر تاج پوشی ہوگی۔ حالانکہ انہوں نے نتیش کمار کے ریئٹائرمنٹ کے بارے میں کوئی بھی رائے زنی کرنے سے انکار کیا۔
کولکاتہ دورہ کے دوران مرکزی داخلہ امت شاہ نے کہا کہ بہار میں ایک مرتبہ پھر نتیش کمار کی قیادت میں این ڈی اے کی حکومت بنے گی۔ اس دوران انہوں نے نتیش کمار پر کوئی بھی سوال کا جواب دینے سے انکار کردیا۔
یاد رہے کہ بہار اسمبلی انتخابات تین مراحل میں ہورہے ہیں جن میں دومرحلے پہلے 28 اکتوبر اور 3 نومبر کو ہوچکے ہیں جبکہ آخری مرحلہ 7نومبر کو صبح سات بجے سے ووٹ ڈالے جائیں گے۔ جس کے لیے ریاست بھر میں زبردست سکیورٹی انتظامات کیے گئے ہیں۔
اس انتخابات کو لے کر جہاں الگ الگ کی قیاس آرائیاں کی جارہی ہیں وہیں مرکزی وزیر داخلہ نے دعویٰ کیا ہے کہ ایک بار پھر این ڈی اے کی جیت یقینی ہے اور بہار میں این ڈی اے کی ہی حکومت بنے گی۔
