مسلم انسٹیٹیوٹ میں کووڈ ہیلپ ڈیسک کا افتتاح کیا گیا ہے ساتھ ہی بہت جلد یہاں آکسیجن سنٹر قائم کیا جائے گا اور ایمبولنس کی بھی دستیابی کو یقینی بنایا جائے گا۔
جماعت اسلامی اس بار بہت نہایت سرعت اندازی سے کام کر رہی ہیں۔ جبکہ کولکاتا کا تاریخی ملی ادارہ مسلم انسٹیٹیوٹ نے بھی اب کورونا کی لڑائی میں جماعت اسلامی کے ساتھ مل کر لوگوں کی مدد کرنے کا فیصلہ کیا ہے۔ جماعت اسلامی اور مسلم انسٹیٹیوٹ کی مشترکہ کوششوں سے مسلم انسٹیٹیوٹ میں کووڈ ہیلپ ڈیسک کا افتتاح کیا ہے۔ جہاں پر بر وقت کورونا کے سلسلے میں ہر طرح کی مدد کے لیے لوگ موجود رہیں گے۔
دوسری جانب بہت جلد مسلم انسٹیٹیوٹ میں آکسیجن سنٹر بھی قائم کیا جائے اور ساتھ ہی مسلم انسٹیٹیوٹ کے آس پاس موجود مسلمانوں کی گھنی آبادی کے لیے ایمبولنس کی بھی سہولت فراہم کرنے کا فیصلہ کیا ہے۔ اس مقصد کے لیے جماعت اسلامی کی طرف تجربہ کار رضاکار ہر وقت مسلم انسٹیٹیوٹ ہیلپ ڈیسک پر کورونا سے متعلق ہر طرح کی مدد کرنے اور لوگوں کی رہنمائی کرنے لیے موجود رہیں گے۔
مسلم انسٹیٹیوٹ کے اہم رکن نوشاد مومن نے ای ٹی وی بھارت کو بتایا کہ کورونا کے بڑھتے خطرات اور لوگوں کی پریشانیوں کو دیکھتے ہوئے ہم نے جماعت اسلامی کے ساتھ رابطہ کیا، کیونکہ جماعت اسلامی کو اس طرح کے فلاحی کاموں کا اچھا تجربہ ہے۔ ہم نے ان کے ساتھ ملکر کووڈ ہیلپ ڈیسک مسلم انسٹیٹیوٹ میں افتتاح کیا ہے۔ مسلم انسٹیٹیوٹ اس سلسلے میں آئندہ بھی مزید کام کرنے کا منصوبہ بنایا ہے۔'
ہم یہاں پر آکسیجن سنٹر قائم کریں اس کے لیے کام شروع ہو چکا ہے اس کے علاوہ جماعت اسلامی کی طرف سے ایک ایمبولنس کا انتظام کیا گیا ہے جو مسلم انسٹیٹیوٹ کے احاطے میں 24 گھنٹے لوگوں کی مدد کے لیے موجود رہے گا۔
جماعت اسلامی کولکاتا ضلع کے سیکرٹری جاوید اختر نے بتایاکہ' جماعت اسلامی حلقہ مغربی بنگال گذشتہ برس بھی نہایت سرگرمی سے اس سلسلے میں کام کرچکی ہے۔ کولکاتا میں مفت آکسیجن سنٹر جماعت اسلامی نے قائم کیا ہے۔ کولکاتا کے لوگوں کو کافی مدد ملی ہے۔ مسلم انسٹیٹیوٹ ایک تاریخی ملی ادارہ ہے ہم نے اس کے اشتراک سے یہاں پر ہیلپ ڈیسک کا افتتاح کے ہے۔ یہاں سے کووڈ سے متعلق ہر طرح کی رہنمائی کی جایے گی چاہے وہ آکسیجن مہیا کرانا یا ہسپتال میں بیڈ کی دستیابی کا معاملہ ہو یہاں پر 24 گھنٹے ہمارے رضاکار لوگوں کی مدد کے لئے موجود رہیں گے۔'
