کانگریس اور لیفٹ فرنٹ کے رہنماؤں نے حکمراں جماعت ترنمول کانگریس اور بی جے پی کو آڑے ہاتھوں لینے کی کوشش کی۔ مغربی بنگال میں حزب اختلاف کے رہنما عبدالمنان نے کہا کہ ریاست میں کانگریس کی قیادت والی حکومت بنتی ہے تو سب سے پہلے چٹ فنڈ کمپنیوں کے خلاف سخت کارروائی کی جائے گی۔
انہوں نے کہا کہ ریاست میں اقتدار تبدیلی کے چٹ فنڈ کمپنیوں سے ایک ایک روپیہ وصول کریں گے اور غریب عوام کو ان کی رقم واپس کرنے کا سارا انتظام کیا جائے گا۔
حزب اختلاف کے رہنما نے کہا کہ ترنمول کانگریس کے اقتدار میں آنے کے بعد سے ہی چٹ فنڈ کمپنیوں کو بڑے پیمانے پر بدعنوانی کرنے کا موقع ملا۔
چیٹ فنڈ کمپنیوں نے ہزاروں غریب عوام سے کیی لاکھ کروڑ روپے وصولی کی۔اس کا کچھ حصہ حکمراں جماعت ترنمول کانگریس کے رہنماؤں کے پاس بھی گیا۔ انہوں نے کہا کہ کانگریس اور لفٹ فرنٹ اتحاد حکمراں جماعت ترنمول کانگریس اور بی جے پی کو شکست دے سکتا ہے۔
کانگریس اور لیفٹ فرنٹ اتحاد کو عوام کی حمایت حاصل ہے اسی کی بدولت بنگال کی سرزمین پر تبدیلی لائی جاے گی۔
