مغربی بنگال کے قصبہ اسمبلی حلقے کے وارڈ نمبر 66 کے مسلم اکثریتی علاقہ توپسیا میں مفت طبی کیمپ سے خطاب کرتے کابینی وزیر جاوید احمد خان نے ڈاکٹر کفیل خان کے ساتھ ہوئی نا انصافی کو افسوسناک المیہ قرار دیا۔
جلسے سے خطاب کرتے ہوئے انہوں نے کہا کہ' ڈاکٹر کفیل خان کے چار برس برباد ہو گئے۔ اس کا حساب کون دے گا۔ اس تعلیم یافتہ نوجوان کی غلطی کیا تھی۔ انہوں نے فرض کو نبھاتے ہوئے بچوں کی جان بچانے کی کوشش کی تھی۔ریاستی کابینہ وزیر جاوید احمد خان نے کہاکہ کفیل خان ایک ایماندار شخصیت ہیں۔ ان کی ایمانداری نے ہی انہیں ان کا کھویا ہوا وقار دوبارہ دلانے میں اہم رول ادا کیا'۔ انہوں نے کہاکہ مغربی بنگال ملک کی واحد ریاست ہے جہاں تمام مذاہب کے لوگ مل جل کر رہتے ہیں۔ کسی کو بھی ذرا برابر کوئی تکلیف نہیں ہوتی ہے'۔ریاستی وزیر کا کہنا ہے کہ مغربی بنگال ملک کی قومی یکجہتی کی عمدہ مثال ہے۔ اس کی جڑیں اتنی مضبوط ہے کہ کو نقصان نہیں پہنچا سکتا ہے۔'
انڈین میڈیکل ایسوسی ایشن (مغربی بنگال ) کے صدر ڈاکٹر قاسم کو میمنٹو سے نوازا گیا انہوں نے کہاکہ حاجی محسن علی، قاضی نذرالاسلام، رابندر ناتھ ٹائیگور، سابق وزیر اعلیٰ ڈاکٹر بدھان چندر رائے، سابق گورنر نورالہدا، سمیت تمام بڑی شخصیات کی مثال پیش کی۔'
توپسیا فٹبال گراؤنڈ میں منعقد مفت طبی کیمپ کی سب سے اہم بات یہ تھی کہ تمام مذاہب کے لوگوں نے بڑھ چڑھ کر حصہ لیا۔ اسی کے ساتھ ساتھ اقلیتی طبقے سے تعلق رکھنے والی ڈاکٹرز اچھی خاصی تعداد میں موجود رہے۔
