مغربی بنگال میں اسمبلی انتخابات کے مدنظر بی جے پی کے رہنماوں نے شہریت ترمیمی ایکٹ اور این آر سی کے نام پر عام لوگوں کو ڈرانے دھمکانے کا کھیل شروع کردیا ہے۔
بی جے پی کے رہنما آئے دن شہریت ترمیمی ایکٹ اور این آر سی کے نام پر بنگلہ دیشی شہریوں اور روہنگیا مسلمانوں کو ملک بدر کرنے کی دھمکی دیتے رہتے ہیں۔
وزیر فرہاد حکیم نے کہا کہ اگر شہریت ترمیمی ایکٹ اور این آر سی کے نام پر لوگوں کو ڈرانے اور دھمکانے سے انتخابات میں کامیابی حاصل کی جا سکتی ہے تو یقیناً ہم بھی اسی سیاست کریں گے۔ لیکن ایسا کچھ بھی ہونے والا نہیں ہے۔ ڈرا دھمکا کر انتخابات جیتنے کی روایت دوسری ریاستوں میں ہے، اسے وہاں ہی رہنے دیا جائے تو بہتر ہے۔
یہ بھی پڑھیں: کسانوں کا نیم برہنہ احتجاج، پولیس نے دہلی میں داخلے سے روکا
ترنمول کانگریس کے سینیئر رہنما اور وزیر فرہاد حکیم نے کہا کہ ایل کے ایڈوانی سمیت نہ جانے کتنے سیاسی رہنما پاکستان سے آکر بھارت میں بسے۔ ان کے خلاف کوئی آواز بلند نہیں کی جاتی۔ اس کی اصل وجہ کیا ہے اس پر بحث و مباحثہ کرانے کی ضرورت ہے۔
واضح رہے کہ بی جے پی کے ریاستی صدر دلیپ گھوش عوامی جلسے میں بنگلہ دیشی شہریوں اور روہنگیا مسلمانوں کے بیان بازی کر رہے ہیں۔
