ممتا بنرجی نے کہا کہ میں نے کبھی بھی یہ سوچا نہیں تھا کہ سوربھ گنگولی کو اس حالت سے گزرنا پڑے گا۔وہ مجھ سے کافی کم عمر ہیں ۔میں نے سوربھ گنگولی سے ملاقات کی تو وہ مسکرا رہے تھے۔ مجھے دیکھ کر اس نے پوچھا کہ آپ کیسی ہیں ۔انہوں نے کہا کہ بین الاقوامی کرکٹرہونے کے باوجود سوربھ گنگولی کبھی بھی ٹسٹ نہیں کراتے تھے ۔ اسی لئے میں نے ابھیشیک ڈالمیا سے کہا تھا کہ بڑے کھیلوں سے پہلے کم سے کم فرسٹ لائن کرکٹرز کا جسمانی طور پر ٹیسٹ کیا جانا چاہئے۔ ہمیں اس سے سبق سیکھنے کی ضرورت ہے۔ کون سوچا ہوگا کہ اتنےکم عمر لڑکے کو اس حالت سے گزرنا پرے گا۔ ممتا بنرجی نے اسپتال کا شکریہ ادا کرتے ہوئے کہا کہ ڈاکٹروں نے صحیح وقت پر صحیح فیصلہ لیا ہے۔ کئی بلاک ہیں۔ انجیو پلاسٹی کے بعد وہ اب تھیک ہوگئے ہیں۔ سینے کا دردختم ہوگیا ہے۔ میڈیکل ٹیم نے بہت تیزی سے کام کیا۔
سورو کی نگرانی کےلئے پانچ ڈاکٹروں کا میڈیکل بورڈ تشکیل دیا گیا ہے۔ اس ٹیم کی قیادت ڈاکٹر سروج منڈل کر رہے ہیں۔ دیگر چار ممبران میں بھابتوش بسواس ، آفتاب خان ، اے بی رائے اور سوتیک پانڈا شامل ہیں۔
ریاستی وزیر فرہاد حکیم نے بھی ہسپتال جاکر سوربھ گنگولی کی عیادت کی ۔
خیال رہے کہ سوربھ گنگولی کے بی جے پی میں شامل ہونے کی خبر کے بعد ترنمول کانگریس اورگنگولی کے درمیان تعلقات کشیدہ ہیں ۔
یو این آئی
