ریاستی حکومت کی اجازت ملنے کے بعد مشرقی ریلوے کی جانب سے لوکل ٹرین خدمات اتوار کے روز بحال کر لی گئی ہے۔ حکومت مغربی بنگال نے حالات بہتر ہونے پر سیالدہ، ہوڑہ روٹ میں 50 فیصد صلاحیت کے ساتھ لوکل ٹرین خدمات بحال کرنے کی اجازت دی ہے۔
مشرقی ریلوے نے اس سلسلے میں لوکل ٹرینوں میں سینیٹائزیشن اور صاف صفائی کا کام انجام دیا اور اتوار کے روز سے تمام روٹ کی لوکل ٹرین خدمات بحال کر دی گئی ہے۔
اس دوران تقریباً چھ ماہ لوکل ٹرین خدمات بند تھی۔ چھ ماہ بعد لوکل ٹرین خدمات بحال ہو گئی ہے۔ 50 فیصد مسافروں کے ساتھ لوکل ٹرین خدمات بحال کرنے کی ریاستی حکومت نے اجازت دے دی ہے۔ جس کے بعد ہوڑہ ڈویزن کے ای ایم یو یارڈ میں سرگرمیاں بڑھ گئیں ہیں۔
ہوڑہ ڈویژن کی تمام لوکل ٹرینوں کو سینیٹائز کیا گیا ہے۔ کووڈ پروٹوکال پر عمل کرتے ہوئے ہی ٹرین خدمات بحال کرنے کی اجازت دی گئی ہے۔ اس لئے دو سیٹوں کے درمیان × کا نشان بھی لگایا گیا ہے اور مسافروں سے اس پر عمل کرنے کی اپیل کی گئی ہے۔
مشرقی ریلوے کے ہوڑہ ڈویژن میں 488 لوکل ٹرینوں کی آمد و رفت ہوتی ہے جبکہ جنوب مشرقی ریلوے روٹ میں 191 لوکل ٹرینوں کی آمد و رفت ہوتی ہے۔
یہ بھی پڑھیں: فلائی اوور کے نیچے رہنے والے بچوں کے آنکھوں میں بڑے خواب
دوسری جانب سیالدہ ڈویژن میں بھی بڑے پیمانے پر لوکل ٹرینوں کی آمد و رفت ہوتی ہے۔ کولکاتا آنے کے لئے لوکل ٹرین سب سے کفایتی اور اہم ذریعہ ہے، روزانہ لاکھوں افراد کاروبار اور نوکری کے سلسلے میں کولکاتا شہر پہنچنے کے لیے لوکل ٹرین کا استعمال کرتے ہیں۔
گذشتہ چھ ماہ لوکل ٹرین خدمات بند ہونے کی وجہ سے لاکھوں لوگوں کو پریشانیوں کا سامنا کرنا پڑا تھا۔
