درگا پوجا کے دوران کورونا وبا پروٹوکال کے مدنظر تیاریوں اور سکیورٹی کا آج کولکاتا پولس کمشنر سومن مترا نے مختلف مقامات جائزہ لیا۔
انہوں نے کہا کلکتہ ہائی کورٹ کی ہدایت کے مطابق ہی درگا پوجا منایا جائے گا کورونا وبا پروٹوکال کا پورا خیال رکھا جائے گا۔
مغربی بنگال کے سب سے بڑے تہوار درگا پوجا میں اب محض چند روز باقی رہ گئے ہیں۔ درگا پوجا کے متعلق کلکتہ ہائی کورٹ نے پہلے ہی ہدایت جاری کردی ہے کہ کورونا پروٹوکال کے تحت ہی درگا پوجا منایا جائے۔
گذشتہ سال کی طرح اس بار بھی کلکتہ ہائی کورٹ پنڈالوں میں لوگوں کے داخلے پر پابندی لگادی ہے۔ کلکتہ نے تمام پوجا کمیٹیوں کو اس پر سختی سے عمل کرنے کی ہدایت دی ہے۔ پنڈال کے باہر سے ہی لوگوں زیارت کرنی ہوگی۔ اس کے علاوہ پوجا پنڈالوں کے باہر بجے زیادہ بھیڑ لگانے کی اجازت نہیں ہوگی۔ ماسک کو لازمی قرار دیا گیا ہے۔
درگا پوجا سے قبل کورونا پروٹوکال اور سیکورٹی انتظامات کا آج کولکاتا پولس کمشنر سومن مترا نے مختلف جگہوں کا جائزہ لیا۔
اس موقع پر میڈیا سے بات کرتے ہوئے پولس کمشنر سومن مترا نے کہا کہ درگا پوجا کے دوران لوگوں کو پہلے سے زیادہ ہوشیار رہنے کی ضرورت ہے۔ کلکتہ ہائی کورٹ نے جو بھی ہدایت دی ہے اس کو سختی سے نافذ کیا جائے گا۔ تمام پوجا کمیٹیوں اور عام لوگوں کو اس پر عمل کرنا ہوگا۔ تمام پوجا کمیٹیوں کے وولنٹیئر اور ارکان کو ویکسین لینا ہوگا۔ دوسری جانب سکیورٹی پر بھی خاص نظر رکھی جائے گی تاکہ کوئی ناخوشگوار واقعہ پیش نہ آئے۔
مزید پڑھیں:
مغربی بنگال کے پانچ اضلاع میں سیلابی صورتحال ہنوز سنگین
پوجا کے دوران لوگوں کو پہلے سے زیادہ ہوشیار رہنے کی ضرورت ہے۔ کلکتہ ہائی کورٹ نے جو بھی ہدایت دی ہے اس کو سختی سے نافذ کیا جائے گا۔ تمام پوجا کمیٹیوں اور عام لوگوں کو اس پر عمل کرنا ہوگا۔ تمام پوجا کمیٹیوں کے وولنٹیئر اور ارکان کو ویکسین لینا ہوگا۔ دوسری جانب سکیورٹی پر بھی خاص نظر رکھی جائے گی تاکہ کوئی ناخوشگوار واقعہ پیش نہ آئے۔
