مغربی بنگال کے مدنی پور ضلع کے کھڑگپور میں عوامی جلسے سے خطاب کرتے ہوئے بی جے پی کے قومی صدر جے پی نڈا نے کہا کہ مغربی بنگال میں بہت جلد تبدیلی آئے گی۔'
ویڈیو دیکھیں
بی جے پی کے قومی صدر نے کہا کہ دس برس بعد 2021 میں ایک اور تبدیلی آئے گی جس میں بنگال کے عوام کو دھوکہ دینے والی ترنمول کانگریس کی حکومت کا خاتمہ ہو گا'۔ جے پی نڈا نے کہا کہ ممتا بنرجی اور ان کے بھتیجے ابھیشک بنرجی لاکھ کوشش کر لیں لیکن وہ اپنےاقتدار کو ختم ہونے سے نہیں بچا پائیں گے'۔
انہوں نے کہا کہ مغربی بنگال میں کمل پھول کھلنے والا ہے۔ کمل پھول کھلنے کے بعد ہی ریاست میں ترقی کے دور کا آغاز ہو گا '۔ انہوں نے کہا کہ ممتا بنرجی جائیں گی اور مغربی بنگال میں بی جے پی کی حکومت آئے گی۔ وزیراعظم نریندر مودی ہی بنگال کے عوام کی تقدیر بدلیں گے'۔
جے پی نڈا نے کہا کہ' ممتا بنرجی کی حکومت نے نہ صرف کسانوں کو بلکہ عام لوگوں کو بنیادی ترقی سے محروم رکھا ہے'۔
