ریاست مغربی بنگال جمعیت علماء ہند کے ریاستی صدر صدیق اللہ چودھری نے کولکاتا میں جمعیت کے دفتر کے افتتاحی تقریب سے خطاب کرتے ہوئے کہا کہ ملک کے حالات نہایت ہی خراب ہیں۔
مسلمانوں کے لیے بہت ہی برا وقت ہے اس سے قبل ملک کی آزادی کے بعد بھی مسلمانوں پر اسی طرح کے حالات کا سامنا کرنا پڑا تھا۔
ایسے حالات میں مسلکی تفریق کو بالائے طاق رکھتے ہوئے ملک کے مسلمانوں کو متحد ہونے کی ضرورت ہے۔
اہل حدیث، دیوبندی، بریلی سب آپس میں بھائی ہیں مسلمان آپس میں بھائی بھائی ہوتے ہیں۔
اپنے دل کو بڑا کیجئے متحد ہوکر حالات کا مقابلہ کیجئے۔
اس موقع پر امام عیدین قاری فضل الرحمان نے کہا کہ ملک میں این آر سی کے نام پر جو بے چینی کا ماحول ہے اور کچھ لوگ این آر سی کے نام پر مسلمانوں کو خوفزدہ کر رہے ہیں اس سے ملک کے مسلمانوں کو بالکل پریشان ہونے کی ضرورت نہیں ہے، ہماری وطن پرستی پر کسی کو سوال اٹھانے کا حق نہیں ہیں ہم ہندوستانی تھے ہندوستانی ہیں اور ہمیشہ رہیں گے۔
مسلمانوں کو گھبرانے کے بجائے حالات کا مقابلہ کرنا ہے اپنے دستاویزات کو سنبھال کر رکھیں ہندوستان میں 25 کروڑ مسلمان ہیں ان کی ہمت نہیں ہے کہ وہ ان کا این آر سی کریں۔
