ہگلی ضلع کے چنسورہ میں ایک مسجد کے امام کے'جئے شری رام' نہ بولنے کی وجہ سے مارپیٹ کا معاملہ سامنے آیا ہے۔
چک بازرا میں واقع مسجد کے امام محمد صبیح الدین فجر کی نماز کے لیے مسجد جارہے تھے کہ موٹرسائیکل پر سوار تین افراد نے انہیں روک لیا اور ان سے 'جے شری رام' کے نعرے لگانے کو کہا تو انہوں نے انکار کردیا۔
اس کے بعد بدمعاشوں نے انہیں تھپڑ مارا اور انہیں سڑک پر پھینک دیا۔ بعد میں صبیح الدین نے چنسورہ پولیس اسٹیشن میں شکایت درج کرائی۔ چندن نگر پولیس کمشنریٹ نے کہا کہ اس معاملے کی جانچ کی جا رہی ہے۔
پولیس افسر نے کہا کہ اس معاملے میں ملزمین کی سی سی ٹی کے فوٹیج کی مدد سے شناخت کی جارہی ہے۔ 10اپریل کو پولنگ ہونے کے بعد بھی ہگلی میں فرقہ وارانہ ماحول بنا ہوا ہے۔
یواین آئی
