انڈین میڈیکل ایسوسی ایشن (مغربی بنگال) کے نائب صدر ڈاکٹر شکیل اختر نے ای ٹی وی بھارت کے نمائندے کو فون پر بتایا کہ آئی ایم اے (شاخ کولکاتا ضلع) کے دوران جس طرح سے ہنگامہ آرائی کی گئی اس پر بے حد افسوس ہے۔ اس سے شاخ کو نقصان پہنچ سکتا ہے۔Shakil Akhtar Reaction On IMA kolkata Election
انہوں نے کہا کہ الیکشن کے دوران ہنگامہ آرائی و افراتفری کی جتنی مذمت کی جائے وہ کم ہے۔آئی ایم اے ڈاکٹروں کی ایک تنظیم ہے۔ اس تنظیم میں شامل تمام لوگ اعلی تعلیم یافتہ ہوتے ہیں۔اس کے باوجود یہ سب ہونا افسوس کی بات ہے۔
ان کا کہنا ہے کہ انڈین میڈیکل ایسوسی ایشن نے انہیں اس الیکشن میں مبصر (Observer)بنا کر بھیجا گیاتھا،لیکن وہاں موجود لوگ (ڈاکٹروں ) نے انہیں کمپلیکس میں داخل ہونے ہی نہیں دیا۔
ڈاکٹر شکیل اختر کے مطابق جمہوری ملک میں ہر ایک کو انتخابات میں حصہ لینے کی پوری آزادی ہے لیکن اس کا مطلب ہر گز یہ نہیں ہوا کہ ضابط اخلاق کی خلاف ورزی کریں گے۔
واضح رہے کہ آئی ایم اے شاخ کولکاتا کے الیکشن کے دوران امیدواروں کے درمیان بحث کے سبب ہنگامہ برپا ہو گیا تھا۔ پولیس کو حالات پر قابو پانے کے لئے بلایا گیا تھا۔ ڈاکڑ نرمل ماجھی الیکشن میں کامیاب ہوئے تھے اور وہ آئی ایم اے کولکاتا کے اگلے صدر ہوں گے۔
