نئی دہلی: راجیہ سبھا کے سابق رکن پارلیمنٹ اور صحافی چندن مشرا کا جمعرات کی صبح انتقال ہوگیا۔اس کی تصدیق ان کے لڑکے کُشان مشرا نے کی ہے، وہ 65 برس کے تھے۔
مشرا پائنیئر کے ایڈیٹر بھی رہے۔ وہ بھارتیہ جنتا پارٹی سے راجیہ سبھا پہنچے تھے لیکن سال 2018 میں پارٹی چھوڑکر ممتا بنرجی کی پارٹی ترنمول کانگیرس میں شامل ہوگئے تھے۔
وزیر اعظم نریندر مودی نے ان کی موت پر تعزیت پیش کرتے ہوئے ٹویٹ کیا ’’ چندن مشرا کو ان کی ذہانت اور بصیرت کے لیے یاد رکھا جائے گا۔ انہوں نے سیاست کے ساتھ ساتھ میڈیا کی دنیا میں بھی اپنی پہچان بنائی۔ ان کے انتقال سے میں غمزدہ ہوں، ان کے اہل خانہ اور مداحوں سے تعزیت۔‘‘
مزید پڑھیں: کشمیر کے سب سے بڑے علیحدگی پسند رہنما سید علی شاہ گیلانی کا انتقال
مشرا کے انتقال پر ملک کے کئی بڑے رہنماؤں نے رنج کا اظہار کیا ہے۔
