کولکاتا پورٹ علاقے سے ترنمول کانگریس کے امیدوار فرہاد حکیم نے الیکش کمیشن پر جانبداری کا الزام لگایا ہے۔ ان کے مطابق الیکشن کمیشن کے کچھ لوگ جانبداری سے کام لے رہے ہیں۔ ان کا کہنا ہے کہ کچھ معاملوں میں صاف طور پر الیکشن کمیشن کی جابنداری واضح ہو گئی ہے۔ ترنمول کانگریس کے پرولیا جئے پور سے امیدوار اجول کمار کی نامزدگی منسوخ کرنے پر انہوں نے سوال آٹھائے'۔
واضح ہو کہ پرولیا کے جئے پور سے ترنمول کانگریس کے امیدوار اجول کمار کی نامزدگی الیکشن کمیشن نے منسوخ کر دی تھی۔ جس کے خلاف ترنمول کانگریس نے کلکتہ ہائی کورٹ کے سنگل بینچ میں اپیل کی تھی۔ کلکتہ ہائی کورٹ نے الیکش کمیشن کے فیصلے کو غلط قرار دیا تھا۔ الیکشن کمیشن نے اس کے خلاف کلکتہ ہائی کورٹ کے ڈویزن بینچ میں اپیل کیا تھا ڈویژن بینچ الیکشن کمیشن کے فیصلے کو صحیح قرار دیا ہے۔'
فرہاد حکیم نے اس موقع پر بی جے پی رہنما اور مرکزی وزیر اسمریتی ایرانی کی بھی نکتہ چینی کرتے ہوئے کہا کہ بنگال میں درگا پوجا جس طرح سے منایا جاتا ہے کہ اب اس کو قومی تہوار کی حیثیت حاصل ہے۔ لگتا ہے اسمریتی ایرانی کو پتہ نہیں ہے۔ درگا پوجا کارنیول دیکھنے کے لیے ہزاروں کی تعداد میں لوگ آتے ہیں۔ اسمریتی ایرانی کو اس کی خبر نہیں ہے اسی لیے اس طرح کے تبصرے کر رہی ہیں۔'
