توپسیا اتھلیٹک کلب اور سیلف ہیلپ گروپ کے مشترکہ تعاون سے راشن کٹس تقسیم

یومِ آزادی کے 75ویں سالگرہ پر توپسیا اتھلیٹک کلب اور سیلف ہیلپ گروپ کے مشترکہ تعاون سے اقلیتی طبقے سے تعلق رکھنے والی گھریلو خواتین کے درمیان راشن کٹس تقسیم کیے گئے۔ ملک کی تمام ریاستوں کی طرح مغربی بنگال میں بھی 75ویں یومِ آزادی کا جشن پورے جوش و خروش کے ساتھ منایا گیا۔

اس موقع پر مغربی بنگال کے تمام ضلعوں میں ثقافتی تقریبات کا اہتمام کیا گیا جس میں خواتین نے بڑھ چڑھ کر حصہ لیا دارالحکومت کولکاتا کے جنوب میں واقع مسلم اکثریتی تجارتی علاقہ توپسیا میں 75ویں یوم آزادی کے موقع پر توپسیا اکاڈمی اتھلیٹک کلب اور سیلف ہیلف گروپ کی جانب سے اقلیتی طبقے سے تعلق رکھنے والی گھریلو خواتین کے درمیان راشن کٹس تقسیم کی گئیں۔

سیلف ہیلف گروپ (توپسیا شاخ) کی صدر راحت علی نے کہا کہ 'وزیراعلیٰ ممتا بنرجی کی ہدایت پر ہی سیلف ہیلپ گروپ کی تشکیل دی گئی تھی، اس گروپ کا اہم مقصد گھریلو خواتین کو مالی طور پر خود مختار بنانا ہے'۔ انہوں نے کہا کہ 'سیلف ہیلپ گروپ کی جانب سے گھریلو خواتین کو مختلف کام دیے جاتے ہیں جس کی مدد سے وہ ہر ماہ میں چار سے پانچ ہزار روپے کی آمدنی کرتی ہیں۔

توپسیا اتھلیٹک کلب اور سیلف ہیلپ گروپ کی مشترکہ تعاون سے راشن کٹس تقسیم

اس تعلق سے سیلف ہیلپ گروپ کی رکن لاڈلی بیگم کا کہنا ہے کہ 'اس تنظیم کی بدولت خواتین کو مالی طور پر مضبوط بنانے کی کوشش کی جاتی ہے، ریاستی وزیر جاوید احمد خان اور کاؤنسلر فیض احمد خان کی جانب سے اس گروپ کو بڑی مدد ملتی ہے'۔نیلم اور افسانہ حبیب کا کہنا ہے کہ 'غریبوں کی مدد کے لئے ہی اس گروپ کی تشکیل دی گئی ہے، وزیراعلیٰ ممتا بنرجی مغربی بنگال کی خواتین کے لئے بہت کچھ کررہی ہیں، اس کے ساتھ ساتھ ریاستی وزیر جاوید احمد خان اور کاؤنسلر فیض احمد خان توپسیا کے لوگوں کی پریشانیاں دور کرنے کی ہر ممکن کوشش کررہے ہیں۔