ہاوڑہ میں کسان بل کی مخالفت میں جلوس

ریاست مغربی بنگال کے ہاوڑہ میں سی پی آئی ایم کی کسان تنظیم کے ہزاروں حامیوں نے دہلی میں جاری کسانوں کے احتجاج کی حمایت میں جلوس نکالے۔

دوسری ریاستوں کی طرح مغربی بنگال میں زرعی قوانین کے خلاف احتجاجی جلوس و جلسہ کا سلسلہ بڑے پیمانے پر جاری ہے۔

دہلی میں گزشتہ کئی دنوں سے جاری کسانوں کی تحریک کی حمایت میں مغربی بنگال کے دارالحکومت کولکاتا سمیت تمام اضلاع میں بی جے پی کی قیادت والی مرکزی حکومت کے خلاف احتجاجی جلوس کا اہتمام کیا جا رہا ہے۔

بی جے پی کی قیادت والی مرکزی حکومت کے خلاف احتجاجی جلوس میں نہ صرف سیاسی پارٹیوں کے کارکنان بلکہ عام لوگ بھی بڑے پیمانے پر شرکت کر رہے ہیں۔ سی پی آئی ایم کی کسان تنظیم کی جانب سے کسان بل کی مخالفت میں جلوس نکالا گیا جس میں ہزاروں لوگوں نے شرکت کی۔ احتجاجی جلوس میں شامل ہوئے لوگوں کا کہنا ہے کہ کسان بل کسی کے حق میں فائدہ مند ثابت نہیں ہوگا۔ یہ کسانوں کے ساتھ ساتھ عوام مخالف بل ہے۔سی پی آئی ایم کے رہنماوں کا کہنا ہے کہ ریاستی سطح پر کسان بل کی مخالفت کی جا رہی ہے۔اس بل کے خلاف جاری احتجاجی جلوس میں ہزار لوگ شرکت کر رہے ہیں۔ آنے والے دنوں میں لاکھوں لوگوں کی شرکت متوقع ہے۔واضح رہے کہ شمالی دیناج پور کے رائے گنج میں ایس یو سی آئی کی تنظیم ڈی ایس او کی جانب سے کسان بل کی مخالفت میں جلوس نکالا گیا تھا۔