آٹو روٹ اور الیکٹریک گاڑیوں کی تعداد بڑھانے پر غور

وزیر ٹرانسپورٹ فرہاد حکیم نے نئے آٹو رکشہ روٹ اور الیکٹریک گاڑیوں(بسوں ) کی تعداد میں اضافہ کرنے کا اعلان کیا ہے۔

مغربی بنگال کے مسلسل تیسری مرتبہ کابینہ وزیر بننے کے بعد فرہاد حکیم چارج سنبھالنے کے لئے محکمہ ٹرانسپورٹ دفتر پہنچے جہاں ان کا شاندار استقبال کیا گیا۔

سنئیر رہنما وزیر کابینہ وزیر فرہاد حکیم نے محکمہ ٹرانسپورٹ کی وزارت کا چارج سنبھالنے کے بعد آٹو روٹ اور الیکٹریکل گاڑیوں کی تعداد میں اضافہ کرنے کا اعلان کیا ہے۔

ٹرانسپورٹ وزیر فرہاد حکیم نے کہا کہ ٹرانسپورٹ نظام میں جتنی بہتری آئے گی اس سے عام لوگوں کو فائدہ پہنچےگا اور ان کی پریشانیوں کم ہو سکتی ہے۔

انہوں نے کہا کہ ہمارے پاس ذرائع موجود ہیں۔ بس ضرورت اس بات کی انہیں صحیح طریقے سے استعمال کیا جائے۔

وزیر ٹرانسپورٹ کا کہنا ہے کہ آٹو رکشہ کے روٹوں کو بڑھانا ضروری ہے. اس سے عام لوگوں کو راست فائدہ پہنچے گا۔ زیادہ تر لوگ آٹو رکشہ سے ہی سفر کرتے ہیں۔

انہوں نے کہا کہ الیکٹرک بسوں کی تعداد میں اضافہ کرنے کا منصوبہ ہے۔ پٹرول اور ڈیزل کی قیمتوں میں مسلسل اضافہ ہونے کا سلسلہ جاری ہے. اس سے عام لوگوں کو زیادہ پریشانی ہوتی ہے۔ ان کی پریشانیوں کو دور کرنے کے لئے الیکٹریک بسوں کی تعداد میں اضافہ ضروری ہے۔

فرہاد حکیم نے مزید کہا کہ اس شعبے سے منسلک لوگوں کو حکومت کی جانب سے خصوصی رعایت دی جائے گی تاکہ کام اور آسان ہوسکے۔

وزیر ٹرانسپورٹ کے مطابق اس مغربی بنگال میں ٹرانسپورٹ نظام دوسری ریاستوں کے مقابلے کافی بہتر ہے لیکن ہمارا مقصد اپنی ریاست کو نمبر ون بنانا ہے۔