مغربی بنگال میں کورونا کی ٹیکہ کاری مہم کے ساتھ ساتھ اس پر سیاست بھی زور و شور سے جاری ہے۔ ٹیکہ کاری کے پہلے دن ترنمول کانگریس کے ارکان اسمبلی کو کورونا ویکسین کا ٹیکہ لگائے جانے پر دیگر سیاسی پارٹیوں نے شدید تنقید کی ہے۔
کانگریس پارٹی اور بائیں محاذ کےساتھ ساتھ بھارتیہ جنتا پارٹی نے کورونا ویکسن پروٹوکول کی خلاف ورزی پر حکمراں جماعت ترنمول کانگریس کو گھیرنے کی کوشش تیز کردی ہے۔ اسی ضمن میں مرکزی وزیر بابل سپریو نے ترنمول کانگریس کے رہنماؤں کو آڑے ہاتھوں لیتے ہوئے ان پر جم کر تنقید کی۔
انہوں نے کہا کہ' رفتہ رفتہ ترنمول کانگریس زمین بوس ہونے لگی ہے۔اسی وجہ سے حکمراں جماعت کے تمام رہنما من مانی کرنے لگے ہیں، مرکزی وزیر بابل سپریو نے کہا کہ' وزیراعظم نریندر مودی نے ویکسینیشن مہم کے پہلے روز قوم کے نام پیغام میں واضح لفظوں میں کہا تھاکہ پہلے کورونا کی ویکسین فرنٹ لائن واریئرس کو ہی دی جائے گی لیکن ان سب کے باوجود بھی ترنمول کانگریس نے کورونا پروٹوکول کی خلاف ورزی کی'۔
انہوں نے کہا کہ' اس کا مطلب یہ ہوا کہ ترنمول کانگریس کے رہنماؤں کو کسی کی فکر نہیں ہے۔وہ صرف اپنے بارے میں سوچتے ہیں، مرکزی وزیر کا کہنا ہے کہ' بی جے پی میں بھی کئی بزرگ رہنما ہیں لیکن انہوں نے کورونا ویکسینیشن کے بارے میں نہیں سوچا'۔
مزید پڑھیں: ستابدی راے کو ناراض ہونے کا فائدہ ملا؟
انہوں نے کہا کہ' ترنمول کانگریس عوامی حمایت کھو چکی ہے۔ رواں برس ہونے وا لے اسمبلی انتخابات میں ممتابنرجی کا جانا طے ہے۔
