کولکاتا کارپوریشن کے ایڈمینسٹریٹر فرہاد حکیم نے ویکسینیشن کی کارروائی بند ہونے کے لئے مرکزی حکومت کو ذمہ دار ٹھراتے ہوئے کہا کہ مرکز ضرورت کے مطابق ویکسین مہیا نہیں کرا رہی ہے۔کوویشیلڈ ویکسین کو لیکر مسئلہ ہے۔ کوویشیلڈ کی عدم دستیابی سے ویکسینیشن کا کام رکا ہوا ہے۔ اگر مرکز نے کوویشیلڈ کی فراہم کی تو سوموار سے کولکاتا میں ویکسینیشن کا کام شروع کر دیا جایے گا۔
کولکاتا میں جمعہ کے روز سے ہی کوویشیلڈ کی عدم دستیابی دیکھی جا رہی ہے۔جس کی وجہ سے عام لوگوں کو پریشانی کا سامنا ہے۔ یہ باتیں کولکاتا کارپوریشن کے ایڈمینسٹریٹر فرہاد حکیم نے کہی۔
مزید پڑھیں: فرہاد حکیم نے پہلی پبلک سی این جی بس کا افتتاح کیا
انہوں نے مزید کہا کہ اگر ہفتہ کو دیر رات تک مرکز کی طرف سے ضرورت کے مطابق ویکسین فراہم کرائی جاتی ہے تو سوموار سے عام لوگوں ویکسین دینے کا کام پھر سے شروع کر دیا جائے گا۔ بار بار مرکزی حکومت سے ریاست کو ضرورت کے مطابق ویکسین فراہم کرانے کی اپیل کی جا رہی ہے۔ وزیر اعلی ممتا بنرجی نے وزیر اعظم نریندر مودی کو اس سلسلے میں خط بھی لکھا ہے۔
