کلکتہ ہائی کورٹ نے کولکاتا کارپوریشن انتخابات مرکزی فورسز کی نگرانی میں کرانے کی اپیل کو خارج کر دیا ہے۔
ریاستی بی جے پی West Bengal BJP نے کولکاتا کارپوریشن انتخابات مرکزی فورسز کی نگرانی میں کرانے کی اپیل کی تھی جسے کلکتہ ہائی کورٹ نے خارج کر دیا۔ اس سے قبل بھی کولکاتا کارپوریشن انتخابات میں مرکزی فورسز کی تعیناتی کو لیکر بی جے پی نے سپریم کورٹ میں اپیل کی تھی۔ سپریم کورٹ نے اس معاملے کی سنوائی کرنے سے انکار کر دیا تھا اور معاملہ کلکتہ ہائی کورٹ کے حوالے کر دیا تھا۔
کلکتہ ہائی کورٹ نے کولکاتا کارپوریشن انتخابات ملتوی کرنے کی اپیل کو خارج کر دیا اور انتخابات طے شدہ وقت پر ہی کرانے کی ہدایت دی۔ بی جے پی کے چار امیدواروں نے تحفظ کو لیکر شکایات درج کرائی ہے۔ ان کو پولس تحفظ فراہم کیا گیا ہے۔ کلکتہ ہائی کورٹ نے ریاست کے باقی تمام میونسپل کارپوریشن کے انتخابات جلد اور کم سے کم مراحل Quick and minimal phases میں کرانے کی بھی ریاستی حکومت کو ہدایت دی۔
