اسمگلنگ روکنے کے لئے بی ایس ایف کی کاروائی

بارڈر سکیورٹی فورس نے 16 سے 18 ستمبر کے درمیان مختلف سرحدی علاقوں میں چھاپے مارکر 65 مویشیوں کے سر، فینسیڈیل دوا کی 3233 بوتلیں، 17.3 کلو گرام گانجا اور دیگر سامان ضبط کیا ہے۔

بی ایس ایف نے اس سامان کو سمگلروں کی طرف سے بنگلہ دیش لے جانے کی کوشش کرنے کے دوران صبط کیا ۔ بی ایس ایف کی جانب سے ضبط کی گئی ان اشیاء کی قیمت 1177589 روپے بتائی گئی ہے۔
اس کے علاوہ بی ایس ایف نے 100 بوتلیں فینسڈیل ، ایک موبائل فون ، ایک موٹر سائیکل، کچھ روپے اور آدھار کارڈ کے ساتھ مغربی بنگال کے جنوبی دیناج پور کے رہنے والے راجو سرکار (23) کوگرفتار کیا ہے۔ پکڑے جانے کےوقت راجو سرکار فینسڈیل کی بوتلوں کو لے کر بنگلہ دیش جانے کی کوشش کر رہا تھا۔
ایک دیگر معاملے میں بی ایس ایف نے 17 ستمبر کو مغربی بنگال کے دیناج پور کے رہنے والے رجب علی کو فینسیڈیل کی 172 بوتلیں ( جس کی قیمت 21،187 روپے ) اور 450 بیوپرینورفائن انجیکشن (جس کی قیمت 6،300 روپے ) کے ساتھ گرفتار کیا ۔ پکڑے جانے کے وقت رجب ان اشیاء کو لے کر بنگلہ دیش جانے کی کوشش کر رہا تھا۔