وزیرا علیٰ ممتا بنرجی نے آج بی جے پی پر تشدد پھیلانے اور بنگال کو بدنام کرنے کا الزام عائد کرتے ہوئے کہا کہ جن علاقوں میں بی جے پی نے جیت حاصل کی ہے۔ وہاں بی جے پی ماحول خراب کرنے کی کوشش کررہی ہے۔
ممتا بنرجی نے ایک نیوز چینل کو انٹرویو دیتے ہوئے کہا کہ 'بی جے پی ایک فرقہ پرست جماعت ہے۔ جعلی ویڈیوز اور مرکزی حکومت کے اختیارات کا استعمال کر کے بنگال میں پریشانی کھڑا کرنے کی کوشش کررہی ہے۔'
انہوں نے کہا کہ مرکزی حکومت نے وفاق کو تباہ و برباد کردیا ہے۔
ممتا بنرجی نے کہا کہ مرکزی حکومت، ریاستی حکومت کو ویکسین نہیں دے رہی ہے۔ اس کی وجہ سے عوام پریشان ہیں۔
ممتا بنرجی نے کہا کہ بنگال انتخابات کے نتائج بتاتے ہیں کہ بی جے پی کو شکست دی جاسکتی ہے۔ بنگال کے عوام نے راستہ دکھا یا ہے۔ ممتا بنرجی نے کہا کہ سیاست میں عداوت اور انا کا مظاہرہ نہیں کرنا چاہیے۔
بنگال میں تشدد کے واقعات پر کانگریس نے کہا کہ ترنمول کانگریس کی سپریمو ممتا بنرجی کو خونریزی روکنے کے لئے اقدامات کرنے چاہئیں۔ پریس کانفرنس سے خطاب کرتے ہوئے پارٹی کے راجیہ سبھا کے رکن شکیت سنگھ گوہل نے کہا کہ ترنمول رہنما (بنرجی) کو تشدد کو روکنے کے لئے اقدامات اٹھانا چاہئے کیونکہ انتخابی مینڈیٹ ایک ذمہ داری کے ساتھ آتا ہے۔ یہاں تک کہ اگر نشانہ بی جے پی کارکنان بھی ہیں تو پھر بھی تشدد فوری طور پر رکنا چاہئے۔
(یو این آئی)
