ادیب و دانشور قیصر شمیم کی قیادت میں انجمن ترقی اردو ہند مغربی بنگال کے وفد نے ترنمول کانگریس کے سینیئر رہنما اور کابینی وزیر جاوید احمد خان سے ملاقات کرکے مسلسل دوسری مرتبہ وزیر بننے پر مبارکباد پیش کی۔
انجمن اردو ترقی ہند مغربی بنگال کے وفد کی وزیر جاوید احمد خان سے ملاقات
اس کے علاوہ وفد نے ریاستی وزیر جاوید احمد خان سے ریاست میں اردو زبان کی ترقی کے سلسلے میں متعدد امور پر تبادلہ خیال بھی کیا۔
انجمن ترقی ہند اردو مغربی بنگال کے رکن واصف اختر نے کہا کہ یہ ایک رسمی ملاقات تھی اور وزیر بننے کے بعد پہلی مرتبہ ملاقات ہوئی ہے کیونکہ لاک ڈاون کے سبب ملاقات نہیں ہو سکی تھی۔
انہوں نے کہا کہ جاوید احمد خان وہ شخص ہیں جنہوں انجمن ترقی اردو ہند مغربی بنگال کو اپنا دفتر بنانے کے لیے توپسیا میں زمین دی اور آج اردو گھر کے نام سے مشہور دفتر کے تعمیراتی کام آخری مرحلے میں ہیں۔
