بنگال میں چار اضلاع کی 43 سیٹوں پر چھٹے مرحلہ کے لیے جمعرات کو انتخابات ہوں گے۔ یہ اضلاع شمالی 24 پرگنہ پارٹ ٹو، نادیا پارٹ ٹو، ایسٹ وردھمان، پارٹ ٹو اور شمالی دیناج پور ہیں۔ چوپرا، اسلام پور، گولپوکھر، چوکلیا، کرنددھی ہمت آباد، مکلیا گنج، رائے گنج، ایٹاہار، کریم پور، تیہٹا، پالاشی پورا، کالی گنج، نقاشی پارا، چھپرا، کرشنا نگر شمال، نوادیپ، کرشنا نگر جنوب، باگدا، بانگاوں شمال (محفوظ)، بانگاوں جنوب (محفوظ) اور دیگر شامل ہیں۔
چھٹویں مرحلہ کے لیے کل ملاکر 306 امیدوار میدان میں ہیں جن میں سے 27 خواتین ہیں۔ ان سیٹوں کے لیے 1.03کروڑ رائے دہندگان اپنے حق رائے دہی کا استعمال کریں گے۔ ان میں 50.65 لاکھ خواتین اور 256 تیسری جنس ہیں۔ حکمراں ترنمول کانگریس اور بھارتیہ جنتا پارٹی ان تمام 43 سیٹوں پر الیکشن لڑ رہی ہیں۔
کانگریس اور بائیں بازو کی جماعتیں اور دیگر اتحادی انڈین سیکولر فرنٹ مشترکہ مورچہ کے بینر تلے الیکشن لڑہی ہیں۔ اس مرحلہ کے لیے بہوجن سماج پارٹی کے 37امیدوار، مارکسی کمیونسٹ پارٹی کے 23، کانگریس کے 12، اے آئی ایف بی کے چاراور کمیونسٹ پارٹی آف انڈیا کے دو امیدوار، 60 دیگر امیدوار میدان میں ہیں۔
یو این آئی
