شہرہ آفاق کلب محمڈن اسپورٹنگ کلکتہ فٹبال لیگ سے پہلے اپنی تیاریوں کو مکمل کرنے کیلئے تمام تر کوششوں میں مصروف ہے۔
اس سے قبل محمڈن اسپورٹنگ کی ٹیم فٹبال کلب چمپئن شپ کے گروپ اے میں اپنے آخری میچ میں چانماری زوتھان کو 1-5 گول سے شکست دے کر سیمی فائنل میں شاہانہ انداز میں داخلہ لے لیا۔ محمڈن اسپورٹنگ کلب شاندار کھیل کا مظاہرہ کرتے ہوئے حریف ٹیم پر دباؤ بنانے میں کامیاب رہا۔ لیکن پہلے ہاف میں ایک صفر کی سبقت حاصل ہو سکی۔
دوسرے ہاف میں فلبرٹ اگنیشیش نے دو گول بنایا۔ اس میچ میں انہوں نے کل تین گول کیا۔ اس کے علاوہ سنیڈن مڈیرا اور ہلٹن فرنانڈیز نے ایک ایک گول کیا۔
دوسری طرف محمڈن اسپورٹنگ کلب کے جنرل سیکرٹری دانش کے مطابق ان کی ٹیم کل جمعرات کو اپنی تیاریوں کو مکمل کرنے کے لئے بنگال فٹبال ٹیم کے خلاف نمائشی میچ کھیلے گی۔
