ضلع کشن گنج کے کوچادھامن حلقہ میں واقع بربٹہ بازار میں مجلس اتحاد المسلمین کے رہنما الحاج اظہار اصفی کی قیادت میں احتجاجی مظاہرہ کیا گیا جبکہ مجلس کے کارکنان نے متنازع بل کی کاپی پھاڑدیا اور اور وزیر داخلہ امت شاہ کا پتلا نذر ٓتش کیا۔
اس موقع پر اظہار اصفی نے شہریت ترمیم بل کو غیر قانونی قرار دیتے ہوئے کہا کہ موجودہ حکومت اس بل کے ذریعہ مسلمانوں کے حقوق چھیننا چاہتی ہےاور ایسا کرکے وہ ملک میں فرقہ وارانہ فسادات کو بڑھاوا دینا چاہتی ہے۔
انہوں نے مرکزی حکومت کے ساتھ ساتھ بہار کی نتیش حکومت کو بھی کوسا، جے ڈی یو کے بل کی حمایت کرنے کو لیکر انہوں نے کشن گنج سے جے ڈی یو دونوں ارکان اسمبلی ماسٹر مجاہد عالم اور نوشاد عالم سے پارٹی کے فیصلے پر رائے مانگی۔
انہوں نے مزید کہا کہ کتنے افسوس اور شرم کی بات ہے کہ مسلمانوں کے ووٹوں کی بدولت کرسی حاصل کرنے والے نتیش کمار آج انہیں کے ساتھ غداری کر رہے ہیں۔ اس سے زیادہ افسوسناک بات یہ ہے کہ ان کی پارٹی کے مسلم رہنماؤں کے منہ میں زبان نہیں ہے۔
