ریاست بہار، کشن گنج کے بیسا بلاک میں واقع ملہرہ گاؤں میں آتشزدگی کی وجہ سے متعدد مکانات جل کر خاک ہوگئے۔ آتشزدگی اس قدر شدید تھی کہ مکانات کے ساتھ ساتھ سامان بھی جل کر خاک ہوگیا۔
آتشزدگی کی وجوہات کا پتا نہیں چل سکا ہے لیکن مقامی لوگوں کا دعویٰ ہے کہ آگ بجلی کی شارٹ سرکٹ کی وجہ سے لگی.
آتشزدگی کی وجہ سے کافی زیادہ نقصانات ہوئے ہیں لیکن متأثرین کو ابھی تک حکومت کی جانب سے کسی قسم کے امداد کا اعلان نہیں کیا گیا ہے۔
متأثرین نے بتایا کہ دن کے 12 بجے جب آگ لگی تھی تب گاوں سے ایک کیلو میٹر دور ہم تمام لوگ کھیتوں میں کام کرنے گئے تھے اور جب معلوم ہوا اور آگ پر قابو پانے کی کوشش کی گئی تب تک سب کچھ جل کر خاک ہوگیا تھا۔
متأثرین نے مزید بتایا کہ جسم پرجو کپڑے زیب تن ہیں صرف وہی ہماری مالیت ہے باقی گھر کا سارا سامان جل کر خاک ہوگیا ہے.
ملہرہ گاؤں کے تقریباً 20 مکان میں آتشزدگی کی وجہ میں مکان مالک کافی زیادہ مایوس ہیں اور اس امید میں بیٹھے ہوئے ہیں کہ حکومت کی جانب سے انکی امداد کی جائے گی لیکن متأثرین کو حکومت کی جانب سے کسی قسم کی کوئی بھی امداد نہیں دی گئی جبکہ جمعیت علماء ہند کوچادھامن کے صدر الحاج اظہار اصفی کی جانب سے ضروریات کی کچھ چیزیں تقسیم کی گئیں.
