مہاتما گاندھی کی 150 ویں جینتی کے موقع بی جے پی رکن پارلیمان پردیپ کمار سنگھ کی قیادت میں پیدل مارچ نکالا گیا، یہ پیدل مارچ ضلع ہیڈ کوارٹر میں واقع تاریخی مندر کھرگیشوری کالی مندر احاطہ سے شروع ہو کر 10 کیلو میٹر تک نکالا گیا، جو اب روزانہ نکالے جائیں گے۔
پیدل مارچ میں رکن پارلیمان کے علاوہ ضلع صدر سنتوش کمار شرانہ، اجے جھا، آلوک بھگت، پرمانند رشی دیو، نوین کمار یادو ، سدھیر بھگت، ترجمان راجہ مشرا کے علاوہ درجنوں کارکنان شامل رہے۔
اس موقع پر پردیپ کمار سنگھ نے کہا کہ گاندھی پیدل مارچ کا مقصد سوچھ بھارت مشن کو عوام تک پہنچانا ہے، اس کے ساتھ ہی پورے بھارت سنگل یوز پلاسٹک سے آزاد کرانا ہے۔
انہوں نے کہا کہ مودی جی نے ملک کو پلاسٹک سے آزاد کرانے کا جو خواب دیکھا ہے، جسے ہم لوگ آگے بڑھا رہے ہیں۔ اس مہم کو تحریک بنانے کی ذمہ داری ہماری ہے اور اسی کے تحت آج سے ہم لوگ پیدل مارچ نکا لیں گے۔ انہوں نے کہا اس پیدل مارچ کے ذریعہ ہم لوگ گاندھی جی کے پیغام کو گاؤں گاؤں تک پہنچائیں گے۔
اس موقع پر ضلع صدر سنتوش کمار شرانہ نے کہا کہ یہ گاندھی پیدل مارچ 30 اکتوبر تک چلے گا، یہ پیدل مارچ ضلع کے مختلف بلاک اور پنچایت میں نکالیے جائیں گے۔ سنتوش کمار شرانہ نے کہا کہ یہ پیدل مارچ دو سو کیلو میٹر کا سفر طے کرے گی۔
