ایسا ہی ایک معاملہ گزشتہ شب شہر کے آزاد اکیڈمی واقع سائرہ نرسنگ ہوم میں پیش آیا جہاں آپریشن کے دوران خاتون کی موت ہوگئی، واقعہ کے بعد ہلاک شدہ خاتون کے اہل خانہ نے نرسنگ ہوم میں زبردست ہنگامہ کیا عوام کو مشتعل دیکھ کر ڈاکٹر وہاں سے فرار ہو گئے۔
مذکورہ واقعہ شب کے گیارہ بجے پیش آیا، بتایا جاتا ہے کہ رام پور کودرکٹی باشندہ شیام لال منڈل کی اہلیہ نیتا دیوی سائرہ نرسنگ ہوم میں پتھری کا آپریشن کرانے آئی تھی، ڈاکٹروں نے جانچ کے بعد آپریشن کرنے کی بات کہی۔
اس کے بعد دیر رات تک مریضہ کا آپریشن جاری تھا لیکن دوران علاج ہی خاتون نے دم توڑ دیا۔
واقعہ کی خبر کے بعد قرب و جوار کے کچھ لوگوں نے آپریشن کرنے والے ڈاکٹروں کو کمرے میں بھی بند کر دیا لیکن مقامی لوگوں کی مدد سے اسے باہر لایا گیا۔
مریضہ کی موت کس وجہ سے ہوئی ہے؟ اس کی اصل وجہ فی الحال سامنے نہیں آسکی ہے کیونکہ ڈاکٹر موقع سے فرار ہو گئے ہیں۔
ادھر نگر تھانہ پولس نے سائرہ نرسنگ ہوم پہنچ کر ہنگامہ کرتے رہے۔
پولیس نے ہلاک شدہ خاتون کے اہل خانہ کو تسلی دے کر معاملہ کی چھان بین شروع کردی ہے۔
نگر تھانہ ایس آئی مرتنجے کمار نے بتایا کہ جس کی بھی لاپرواہی سے خاتون کی موت ہوئی ہے اس کے خلاف سخت کارروائی ہوگی۔
