اتر پردیش شیعہ وقف بورڈ کے سابق چیئر مین وسیم رضوی کی جانب سے قرآن کریم کی 26 آیات کو منسوخ کیے جانے کے تعلق سے دائر عرضی کے خلاف ملک بھر کے مسلمان برہم ہیں اور اپنے غم و غصہ کا اظہار کر ر ہے ہیں۔ قرآن مجید کی بے حرمتی کے خلاف ملک بھر میں احتجاج بھی ہو رہے ہیں ساتھ ہی وسیم رضوی کے خلاف سخت کارروائی کا مطالبہ بھی کیا جا رہا ہے۔
اتراکھنڈ کے کاشی پور میں واقع محلہ علی خان میں حضرت نیاز علی شاہ کے 122 ویں سالانہ عرس کے موقع پر ایک 70 سالہ بزرگ شاعر حکیم ظفر علی جنگ نے وسیم رضوی کی مذمت میں اپنے کلام پڑھے۔
آپ کو بتا دیں کہ اس معاملہ پر معروف عالم دین مولانا کلب جواد کا کہنا ہے کہ' وسیم رضوی ملک میں انتشار پھیلانے میں مصروف ہیں۔ مولانا کلب جواد نے وسیم رضوی کی گرفتاری کا مطالبہ کیا ہے' انہوں نے مزید کہاکہ' وسیم رضوی کے اس عمل کے خلاف ملک بھر کے شیعہ و سنی متحد ہو کر اپنی آواز بلند کریں اور احتجاج کریں۔ ان کے مطابق وسیم رضوی کا اسلام اور شیعہ برادری سے کوئی تعلق نہیں ہے۔
