مرکز کے زیر انتظام لداخ میں کورونا وائرس سے مزید تین اموات اور 73 نئے کیسز ریکار ڈ کیے گئے ہیں۔ وہیں خطے میں اموات کی تعداد 71 تک پہنچ چکی ہے۔
خطے میں کورونا وائرس سے اب تک 5 ہزار 913 افراد متاثر ہو چکے ہیں۔
عہدیداران نے بتایا 'گذشتہ 24 گھنٹوں کے دوران لیہ میں کووڈ-19 سے تین افراد ہلاک ہوئے ہیں، جس کے بعد ضلع میں ہلاکتوں کی تعداد 33 ہو گئی ہے جبکہ 38 ہلاکتیں ضلع کارگل میں درج کی گئی ہیں۔
آج کے تازہ بلٹین کے مطابق لیہہ میں 65 افراد کووڈ-19 سے مثبت پائے گئے ہیں جبکہ کارگل میں آٹھ افراد مثبت سامنے آئے ہیں۔
یہ بھی پڑھیے
'برائے مہربانی یہ تجویز نہ کریں کہ دفعہ 370 پر سپریم کورٹ کیا کہے گا'
عہدیداروں نے بتایا 'کووڈ کے کامیاب علاج کے بعد 61 مریضوں کو لیہہ اور سات دیگر افراد کو کارگل میں ہسپتالوں سے چھٹی دی گئ ہے۔ اس کے ساتھ صحتیاب ہونے والے افراد کی تعداد 5 ہزار 502 تک پہنچ چکی ہے۔
ایسے میں اب لداخ میں کووڈ-19 کے 790 فعال کیسز موجود ہیں، جن میں سے لیہ میں 651 اور کارگل میں 139 کیسز موجود ہیں۔
