پریس کلب لداخ کے صدر مورپ سٹنزن نے پولیس اسٹیشن لیہ میں ایک شکایت درج کرائی جس میں انہوں نے بی جے پی کے ریاستی صدر رویندر رینہ اور ایم ایل سی وکرم رندھاوا کے خلاف صحافیوں کو رشوت دینے کا الزام عائد کیا۔
شکایت کے مطابق دن کے دو بجے پریس کانفرنس کے بعد بی جے پی کے رہنماوں نے میڈیا سے جڑے افراد کو بند لفافے میں رشوت دینے کی کوشش کی تاکہ عام انتخابات میں میڈیا کو استعمال کرکے مہم چلائی جائے۔
جس پر صحافیوں نے ناراضگی کا اظہار کرتے ہوئے اس کی مذمت کی اور پولیس اسٹیشن میں تحریری شکایت درج کرکے تحت ضابط کاروائی کرنے کی مانگ کی۔
لداخ پریس کلب کے صدر نے ای ٹی وی بھارت کے ساتھ بات کرتے ہوے اس بات کی تصدیق کی کہ لداخ پریس کلب نے بی جے پی کے ریاستی صدر اور ایل سی وکرم رندھاوا کے خلاف رشوت ستانی کی شکایت درج کی ہے تاہم پولیس نے ابھی اس ضمن میں کوئی بھی کاروائی نہیں کی۔
