ایسے وقت میں جب ملک میں مذہبی رواداری کی زمین سمٹتی جارہی ہے اس ایک روزہ پروگرام میں لداخ میں مختلف مذاہب کی باہمی معاشرت کی مثال پیش کرتے ہوئے ایک اہم پیغام دینے کی کوشش کی گئی۔
دہلی کے انڈیا انٹر نیشنل سینٹر میں انجمن معین الاسلام کے زیر اہتمام منعقدہ اس پروگرام میں تبت کے روحانی پیشوا دلائی لامہ سمیت مختلف شعبہ حیات سے وابستہ افراد نے شرکت کی۔
خطہ لداخ
انجمن معین الاسلام کے رُکن ڈاکٹر عبدالقیوم نے ای ٹی وی بھارت سے بات کرتے ہوئے کہا کہ خطہ لداخ کی اپنی ایک تاریخ ہے اور تقسیم ہند سے پہلے یہ خطہ برصغیر کے تمام ممالک کے لیے مرکز تھا۔
انہوں نے کہا کہ مسلمانوں میں ہم آہنگی کو فروغ دینے کے لیے اس طرح کے پروگرام کی ضرورت ہے، ایسے پروگرام ملک کی دیگر ریاستوں میں بھی منعقد کیے جائیں گے۔
