لداخ میں کورونا وائرس کے 29 مثبت معاملات

لداخ یونین ٹیریٹری میں گزشتہ چوبیس گھنٹوں کے دوران عالمی وبا کورونا وائرس کے 29 مثبت معاملات درج ہوئے ہیں۔

لداخ میں محکمہ صحت نے بلیٹن جاری کرتے ہوئے کہا ہے کہ گزشتہ چوبیس گھنٹوں کے دوران یونین ٹیریٹری میں عالمی وبا کورونا وائرس کے 29مثبت معاملات درج کیے گئے ہیں۔

بلیٹن کے مطابق مثبت پائے گئے کیسز میں 22کرگل جبکہ 7لیہہ سے ہے۔ جبکہ گزشتہ چوبیس گھنٹوں کے دوران یو ٹی میں 12مثبت افراد کو اسپتالوں سے چھٹی دی گئی ہے۔

نئے مثبت کیسز کے ساتھ ہی لداخ یو ٹی میں فعال معاملات کی تعداد 323پہنچ گئی ہے جن میں 292لیہہ اور 31کرگل سے ہیں۔