مٹھائی کھا کر لوگوں کے بیمار ہونے یا اموات کی خبروں کے بعد اب فوڈ ڈیپارٹمنٹ بیدار ہو چکا ہے۔ محکمہ نے نوٹس جاری کرتے ہوئے کہا ہے کہ تمام کھانے پینے کی اشیا جو پیکٹ میں ہوتی ہیں، ان پر بیست بیفور کی تاریخ لکھنا لازمی ہے۔
اتر پردیش کے ضلع کانپور میں تعینات فوڈ افسر وجے پرتاپ سنگھ نے میڈیا کو بتایا کہ فروری میں ہی اس معاملے میں ڈائرکشن دیا گیا تھا لیکن کووڈ کی وجہ سے اس ہدایت کو منسوخ کر دیا گیا تھا، اب 25 ستمبر کو دوبارہ اس ہدایت نامہ کو جاری کیا گیا ہے۔
انہوں نے کہا کہ جہاں بھی مٹھائیں بنائی جائے گی اور رکھی جائے گی، چاہے وہ ٹرے ہو یا ڈبے وہاں بیسٹ بیفور لکھنا لازمی ہوگا۔
واضح ہو کہ مختلف تہواروں کے موقع پر کافی وقت پہلے سے ہی مٹھائیوں کو تیار کر لیا جاتا ہے اور اسے فریج میں رکھ کر بعد میں فروخت کیا جاتا ہے اور ایسی پرانی مٹھائیوں کو کھانے سے اکثر لوگ مخلتف امراض کی زد میں آجاتے تھے، اس لئے محکمہ نے ایسا فیصلہ لیتے ہوئے مٹھائی بنانے والے دکانداروں اور کمپنیوں کو ہدایت نامہ جاری کیا ہے۔
