ہندوستان پیٹرولیم کے گیس پلانٹ میں گیس کے رساؤ ہونے کی وجہ سے آگ لگ گئی۔
وہیں اطلاع ملتے ہی موقع پر انتظامی افسران نے پلانٹ کو جلد خالی کروایا۔ساتھ ہی پلانٹ کے اطراف میں موجود علاقوں کو بھی خالی کرانا شروع کردیا گیا ہے۔
اناؤ : ہندوستان پیٹرولیم کے گیس پلانٹ میں لگی آگ
فائر انجن کی کئی گاڑیاں آگ پر قابو پانے کے لیے موجود ہیں، لیکن گیس پلانٹ میں آگ لگنے کی وجہ سے انتظامیہ نے ضلع کانپور سے بھی فائر انجن کی گاڑیوں کو طلب کیا ہے۔
پولیس نے پورے علاقے کو سیل کردیا ہے۔حالانکہ ابھی تک آگ پر قابو نہیں پایا گیا ہے۔
پلانٹ کے اطراف میں آمد و رفت کو بند کردیا گیا ہے۔پلانٹ کے اطراف میں چار سے پانچ کلومیٹر کے رقبے میں موجود علاقے کو ہائی الرٹ کردیا گیا ہے۔آمدورفت کے بند ہونے کی وجہ سے زخمیوں کے بارے میں اطلاعات نہیں دستیاب ہو پائی ہے۔
