کانپور میں کورونا وباء کے مریضوں میں ہر روز اضافہ ہوتا جا رہا ہے، پچھلے چوبیس گھنٹے میں کانپور میں 250 مریض مثبت پائے گئے ہیں۔
اور ایک مریض کی موت ہوئی ہے۔
کل 154 مریض مثبت آئے تھے۔ اس طرح سے مریضوں کی تعداد میں تیزی سے اضافہ ہوتا دیکھ کر ضلع مجسٹریٹ کانپور District Magistrate Kanpur نے ضلع کے کئی ہسپتالوں میں مریضوں کے لئے بیڈ کی تعداد بڑھا دی ہے اور ڈاکٹروں کی ٹیم کو پوری طرح سے مستعد رہنے کی ہدایت دی۔
کانپور میں کوورونا وباء کے مریضوں کی تعداد تیزی سے بڑھتی جا رہی ہے۔ جس سے اب لوگ خوفزدہ ہیں۔ اس وباء پرکانپور میں تقریبا قابو پالیا گیا تھا لیکن گزشتہ ایک ہفتے سے مریضوں کی تعداد بڑھتی جا رہی ہے۔
نو جنوری کو کانپور میں کوورنا کے مریضوں کی تعداد 104 تھی دس جنوری کو یہی تعداد بڑھ کر 154 ہو گئی اور اب 11 جنوری کو اس وباء کے مریضوں کی تعداد بڑھ کر 250 ہوگئی ہے۔
کانپور میں کورونا وباء کے اب تک 84 ہزار 153 مریض مثبت پائے گئے ہیں۔جس میں 1907 مریضوں کی موت ہو چکی ہے۔11 ہزار چار سو مریض اسپتال میں علاج کے بعد منفی پائے گئے۔ جبکہ 69ہزار 675 مریض ہوم آئسو لیشن میں ٹھیک ہوئے ہیں۔اس وقت ایکٹیو کیسیس کی تعداد گیارہ سو بہتر ہے۔
