کرناٹک میں کورونا وائرس کی دوسری لہر پر قابو پانے کے لیے ریاستی حکومت نے پچھلے تین ہفتوں سے ریاست بھر میں لاک ڈاؤن نافذ کر رکھا ہے۔
اس موقع پر گلبرگہ کے سابق کانگریس ایم ایل سی الم پربھو پاٹل نے ای ٹی وی بھارت سے کہا کہ 'ریاستی حکومت نے کورونا وائرس پر قابو پانے کے لیے لاک ڈاؤن کا تو اعلان کر دیا ہے، مگر لاک ڈاؤن سے بے روزگار ہونے والوں کی کوئی فکر نہیں کی۔
اس تعلق سے انہوں نے کہا کہ 'ریاستی حکومت کو ان سب باتوں کا خیا ل کر تے ہوئے لاک ڈاؤن کو نافذ کرناتھا۔ملک میں کورونا کی پہلی لہر میں عوام ملک کے وزیر اعظم کی ہر بات پر عمل کیا۔ مگر کورونا کی دوسری لہر میں ریاست اور مرکزی حکومت کورونا پر قابو پانے میں نا کام رہی۔
کورنا وائرس کی پہلی لہر سے زیادہ دوسری لہر میں لوگوں کی موت ہوئی ہے۔ریاست کر ناٹک میں کئی کورونا متاثرین کو ہسپتالوں میں بیڈس اور آکسیجن نہیں مل رہا ہے۔
ریاستی اور مرکزی حکومت کورونا مریضوں کو علاج کے لیے بہتر سہولت فراہم کر نے میں نا کام ثابت ہوئی ہے اس کی وجہ سے کئی مریض اسپتالوں میں بیڈس اور آکسیجن نہیں ملنے پر ہلاک ہوئے ہیں۔
