گلبرگہ شہر میں انعامی مقابلے کا انعقاد

بچوں کے اندر سیرت نبوی اور اسلامی معلومات کے تعلق سے گلبرگہ شہر میں آل انڈیا ملی کونسل اور سیرت کمیٹی کے اشتراک سے حسن قرآت، اذان، نعت، کوئز، تحریری اور تقریری مقابلے کا انعقاد کیا گیا۔

ریاست کرناٹک کے گلبرگہ شہر میں ماہ ربیع کی مناسبت سے آل انڈیا ملی کونسل اور سیرت کمیٹی کے اشتراک سے حج کمیٹی نیا محلہ میں انعامی مقابلے کا انعقاد 14 نومبر سے کیا گیا۔

یہ انعامی مقابلہ حسن قرآت، اذان، نعت، کوئز، تحریری اور تقریری پر مشتمل ہے۔

یہ انعامی مقابلہ آئندہ تین دنوں تک جاری رہے گا، اس موقع پر آل انڈیا ملی کونسل کے انچارج سکریٹری محمد اصغر چلبل نے کہا کہ اس مقابلے کا مقصد بچوں میں سیرت اور اسلام کے تعلق سے پختہ معلومات پہنچانا ہے تاکہ وہ اسلام کی صحیح نمائندگی کرسکیں، اس میں بہترین مظاہرہ کرنے والے کو بالترتیب 7 ہزار، 5 ہزار اور 3 ہزار روپئے بطور انعام دیا جائے گا۔

اس کے علاوہ ترغیبی انعام کے طور پر 2000 ہزار روپئے بھی رکھا گیا ہے، اس مقابلے میں تین سو سے زائد طلبا نے حصہ لیا ہے۔