کرناٹک میں کسانوں کو زرعی قرضہ جات دینے کے لئے جئے کرناٹک رکشنا ویدکے تنظیم نے مطالبہ کیا ہے۔ اس تعلق سے گلبرگہ شہر میں ضلع کمشنر آفس کے سامنے کرناٹک رکشنا ویدکے تنظیم نے احتجاج کیا۔
کسانوں کو قرضہ دینے کا مطالبہ
اس موقع پر جے کرناٹک رکشنا ویدکے کے صدر منجو ناتھ ہاگرگی نے کہا کہ 'کرناٹک میں کسانوں کے لئے کھیتوں میں بیج بونے کا موسم شروع ہوا ہے۔ ایسے حالات میں کسانوں کو زرعی قرضہ دینے سے انکار کیا جا رہا ہے۔ یہاں کے ڈی سی سی بینک کے افسران کی جانب سے کسانوں کو قرضہ دینے سے انکار کیا جا رہا ہے۔ اگر اسی طرح یہاں کے بینک افسران کی جانب سے کسانوں کو نظر انداز کیا جاتا رہا تو آنے والے دنوں کسانوں کے لیے مشکل ہو جائے گی'۔
