ریاست کر ناٹک کے ضلع گلبرگہ شہر کی مشہور درگاہ خواجہ دکن حضرت خواجہ بندہ نواز گیسو دراز درگاہ کا جھیلہ مبارک ہر برس حضرت خواجہ بندہ نواز کے عرس شریف کے ایک ماہ پہلے 17 شوال کوبڑے پیمانے پر منایا جاتا تھا۔جھیلہ مبارک کی تقریب پر تاریخ محبوب گلشن کا جلوس بھی نکلا جاتا تھا۔
لیکن رواں برس عالمی وبا کورونا وائرس کے سبب اس جلوس کو منسوخ کر کے جھیلہ مبارک تقریب کو سادگی سےمنایا گیا۔
سلطان احمد شاہ بہمنی نے حضرت خواجہ بندہ نواز کے مزار مبارک پر تاریخ گنبد تعمیر کروائی تھی۔ اس دوران گنبد کی تعمیر مکمل ہونے کی مسرت میں حضرت خواجہ بندہ نواز کے پوتے حضرت خواجہ گنج بخش نے گنبد مبارک کے' کلش' پر پھولوں کا جھیلہ چڑھا کر جھیلہ مبارک کی تقریب کا آغاز کیاتھا۔
اس وقت سے لے کر آج تک ہر برس حضرت خواجہ بندہ نواز درگاہ کے عرس شریف کے ایک ماہ قبل 17 شوال المکرم کو جھیلہ مبارک کی رسم کو ادا کی جاتی ہے۔
اس موقع پر گلبرگہ کے تمام مسلک ومذہب سے تعلق رکھنے والے افراد اپنے اپنے گھروں میں شیر خرمہ بنا کر فاتحہ کا اہتمام کر تے ہیں۔
