جھانسی: جمعیت علمائے ہند نے نماز ظہر ادا کرنے کی تلقین کی

ریاست اترپردیش کے ضلع جھانسی میں جمعیت علمائے ہند کے نائب صدر مولانا فخر الدین نے کہا کہ' ریاست اور ملک میں کورونا وائرس سے نمٹنے کے لیے حکومت ہند نے پورے بھارت کو لاک ڈاؤن کیا ہے، لہذا میں تمام لوگوں سے اپیل کرتا ہوں کہ برائے مہربانی حکومت کے اس حکم پر عمل کریں اور گھروں میں ہی جمعہ کے عوض نماز ظہر ادا کریں۔

جمعیت علمائے ہند جھانسی یونٹ نے لاک ڈاؤن کے پیش نظر جھانسی ریلوے اسٹیشن پر پھنسے مسافروں کو راشن کے پیکٹ بھی تقسیم کیے۔

مختلف علاقوں سے موصولہ اطلاعات کے مطابق پریشان افراد کو پانچ کلو آٹا، چاول، دال، چائے کی پتی، چینی اور مسالے وغیرہ دستیاب کرائے جارہے ہیں۔

انہوں نے کہا کہ' لاک ڈاؤن کی وجہ سے جو لوگ پریشانی اٹھا رہے وہ جمیعت علما جھانسی سے رابطہ کرسکتے ہیں۔

اسی دوران جمعیت علمائے ہند نے مسلمانوں سے مسجد میں نماز نہ پڑھنے کی درخواست کی اور کہا کہ تمام لوگ اپنے گھروں میں ٹھریں کہیں باہر نہ جائیں۔