توی دریا میں عورت کو ڈوبنے سے بچایا گیا

بچاؤ عملے اور مقامی لوگوں کی مشقت کے بعد خاتون کی جان بچائی گئی جس پر مقامی لوگوں نے انتظامیہ کا شکریہ ادا کیا۔

مرکز کے زیر انتظام جموں کے بلئی چرانہ علاقہ میں آج ایک 42 سالہ خاتون دریائے توی کے کنارے کپڑے دھو رہی تھی کہ اچانک دریائے توی میں پانی کا بہاؤ تیز ہو گیا اور خاتون پانی میں ڈوب گئی۔

عورت کی چیخ و پکار سنتے ہی مقامی لوگوں نے نزدیکی پولیس چوکی کو جانکاری دی اور پولیس و ایس ڈی آر ایف کے جوانوں نے عورت کو بچانے کے لئے ریسکیو آپریشن شروع کیا۔ کافی محنت کے بعد خاتون کی جان بچائی گئی جس پر مقامی لوگوں نے انتظامیہ کا شکریہ ادا کیا۔