بی جے پی، بی ڈی سی انتخابات میں پہلا مقام حاصل کرے گی: کویندر گپتا

جموں و کشمیر میں جیسے جیسے بی ڈی سی انتخابات کی تاریخ قریب آرہی ہے ویسے ہی بہت سے سرپنچ بی جے پی میں شامل ہو رہے ہیں اسی وجہ سے بی جے پی جیت کا دعوی کر رہی ہے۔

ایک بار پھر جموں کے سب سے بڑے بلاک ستواری سے بہت سے پسماندہ برادری کے سرپنچوں نے بی جے پی میں شمولیت اختیار کر لی ہے۔

بتا دیں کہ جموں بی جے پی کے دفاتر میں سابق سرپنچ، پنچ اور ان کے حامی سابق نائب وزیراعلی کویندر گپتا کی سربراہی میں بی جے پی میں شامل ہو گئے۔

چونکہ بلاک ڈولپمنٹ کمیٹی (بی ڈی سی) انتخابات کی تاریخوں کا اعلان ہوچکا ہے۔ اس کے بعد سے سرپنچ بی جے پی میں شامل ہو رہے ہیں جبکہ بی جے پی نے ریاست کی 316 بلاک کمیٹی میں سے 280 مقابلہ لڑنے کا اعلان کیا ہے اور ستواری بلاک سے عارف بانو کو ٹکٹ دیا ہے۔

بی جے پی کا کہنا ہے کہ بی جے پی بہت بڑے فرق سے بی ڈی سی انتخابات میں کامیابی حاصل کرے گی اور اس میں اس کا پہلا مقام ہوگا۔