جموں و کشمیر انتظامیہ جلد ہی جموں ہوائی اڈے پر نیے ٹرمنل کی تعمیر کے لئے 122 ایکڑ اراضی ایئرپورٹ اتھارٹی آف انڈیا (AAI) کے حوالے کرے گا، تاکہ 25 ہزار مربع میٹر کی نئی ہوائی پٹی تعمیر کی جاسکے۔
ڈویژنل کمشنر جموں راگھو لینگر نے اراضی کی حد بندی کا جائزہ لینے کے بعد کہا کہ جموں میں جدید نوعیت کے ٹرمنل کی تعمیر کے لئے اراضی منتقلی کا عمل تیز کردیا گیا ہے۔
مزید پڑھیں: گاندربل:سولہ سالوں سے اسپتال کے تعمیر کے نام پر صرف وعدے
انتظامیہ نے کہا کہ 974 کنال اراضی کی پہلے ہی نشاندہی کی جاچکی ہے، جبکہ اس کو جلد ہی ائیر پورٹ اتھارٹی آف انڈیا کے حوالے کردیا جائے گا۔ انہوں نے بتایا کہ جموں ہوائی اڈے کے رن وے کو بڑھا دیا گیا ہے، جبکہ نئے ٹرمنل کی تعمیر کے بعد ائیر لائنز اور مسافروں کوبھی سہولیات میسر ہونگی۔
