جموں و کشمیر انتظامیہ ایک ہائی سکیوریٹی جیل بنا نے کا منصوبہ تیا ر کر رہی ہے جو کہ جدید ٹیکنالوجی سے لیس ہو گی۔ جس کے لئے محکمہ مال نے 204 کنال سرکاری اراضی محکمہ جیل خانہ کو منتقل کر دی ہے۔
جیل کی تعمیر کے لئے 204 کنال 16 مرلہ سرکاری زمین کی منتقلی کی منظوری دی گئی ہے، جس میں خسرہ نمبر 917/896(43 کنال 7 مرلہ)، 596/2(13 کنال 1 مرلہ)، 600 (93 کنال 12 مرلہ)، 601 (06 کنال 18 مرلہ)، 607 (09 کنال 12 مرلہ)، 606 (8 کنال 1 مرلہ)، 608 (25 کنال، 01 مرلہ اور 597 (05 کنال، 4 مرلہ) پر مشتمل ہے۔
یہ جیل ضلع جموں کے ایک گاؤں دھروچن، تحصیل بھلوال میں بنائی جا ئے گی۔
مزید پڑھیں: بیساکھی کے سہارے چلنے والی فہمیدہ اختر، آنگن واڑی یونین کا سہارا
معلوم ہو کہ اس وقت جموں وکشمیر میں 13 فعال جیلیں ہیں۔ جن میں دو مرکزی جیلیں، نو ضلعی جیلیں، ایک خصوصی جیل اور ایک سب جیل شامل ہیں۔ ان میں سے ضلع کٹھوعہ کی ہیرا نگر سب جیل کو روہنگیا پناہ گزینوں کے قیام کے لیے ایک ہولڈنگ سینٹر میں تبدیل کیا گیا ہے۔
