منڈی: جموں و کشمیر کے ضلع پونچھ کی تحصیل منڈی میں اے ار ٹی او پونچھ نے منڈی کے مختلف مقامات کا دورہ کرکے لوگوں کی شکایات پر کرایا ریٹ لسٹ جاری کی۔ جس کے بعد منڈی میں ڈرائیور طبقہ نے ریٹ لیسٹ کو لیکر احتجاجی دھرنہ دیا۔ اس موقع پر جمیل احمد خان جو پیشہ سے ایک ڈرائیور ہیں، نے کہا کہ اے آر ٹی او پونچھ کی جانب سے منڈی کے مخلتف مقامات پر لوگوں میں کرایا ریٹ لسٹیں تقسیم کی گئیں اور لوگوں کو بتایا گیا کہ اسی ریٹ لسٹ کے تحت کرایا دیں۔' Drivers Protest in Poonch
ایک طرف مہنگائی آسمان کو چھو رہی ہے اور دوسری جانب ڈیزل کی قیمتوں میں بے تحاشا اضافہ ہوا ہے اور گاڑیوں کے کاغذات کا خرچہ بھی پورا نہیں ہو پارہا ہے۔ انہوں نے کہا کہ پڑھے لکھے نوجوانوں نے بینک کے قرضوں پر گاڑیاں لیکر چلا رہے ہیں وہ گاڑیوں کی کستیں کہاں سے نکالیں گے۔ انہوںى نے کہا کہ 'جو کرائے کی ریٹ لسٹ شائع ہوئی ہے اس پر خصوصی نظر ثانی کی جائے۔'
یہ بھی پڑھیں: Drivers Protest Against FCI in Bandipora: بانڈی پورہ میں ایف سی آئی عہدیداروں کے خلاف ڈرائیورز کا احتجاج
ان کے علاوہ سومو یونین کے صدر معشوق لون نے کہا کہ 'جو ریٹ لسٹ شائع ہوئی ہے اس پر ہم گاڑیاں نہیں چلا سکتے۔ کیونکہ اگر اس ریٹ لسٹ کے تحت ہم کرایا لیں گے تو ہمیں منافہ نہیں ہوگا اور گاڑیوں کے کاغذات بھی مکمل نہیں ہوسکتے جبکہ دیگر کئی مسائل ہیں۔ جس سے ڈرائیور ہمارے بے روزگار ہوجائیں گے۔ انہوں نے اے آر ٹی او پونچھ اور ضلع ترقیاتی کمشنر پونچھ سے اپیل کی ہے کہ تیل اور گاڑیوں کے کاغذات کے خرچوں کو دیکھتے ہوئے ہمارے ساتھ انصاف کا معاملہ کریں۔'
