Jammu Records All-Time High March Temperature: جموں میں مارچ کے دوران درجہ حرارت نے77 سال کا پرانا ریکارڈ توڑ دیا

جموں شہر میں 27 مارچ کو زیادہ سے زیادہ درجہ حرارت 37.3 ڈگری سیلسیس ریکارڈ کیا گیا، اس سے پہلے مارچ کے مہینے میں 77 برس قبل 37.2 ریکارڈ درج کیا گیا تھا۔ record of maximum temperature broken in Jammu City

جموں و کشمیر کے شہر جموں میں پارہ نے مارچ کے مہینے کے تمام ریکارڈ توڑ دیئے ہیں۔ اتوار (27 مارچ) کو سب سے زیادہ درجہ حرارت 37.3 ڈگری سیلسیس ریکارڈ کیا گیا۔ شہر کا پچھلا زیادہ سے زیادہ زیادہ درجہ حرارت 37.2 ڈگری سیلسیس تقریباً 77 سال پہلے ریکارڈ کیا گیا تھا۔ محکمہ موسمیات کے مطابق اس سے پہلے دن کا سب سے زیادہ درجہ حرارت 37.2 ڈگری سیلسیس 31 مارچ 1945 کو ریکارڈ کیا گیا تھا۔ Seventy-seven year-old record of maximum temperature broken in Jammu City

گزشتہ ایک ماہ سے زائد عرصے سے جاری روس۔یوکرین جنگ کے دوران بڑے پیمانے پر بمباری کی وجہ سے گلوبل وارمنگ نے دنیا کے کئی حصوں میں درجہ حرارت کو متاثر کیا ہے۔ مقامی باشندوں نے شدید گرمی کے حوالے سے کہا کہ 'مارچ کے مہینے میں گرمی بڑھ گئی ہے اور بار بار بجلی سپلائی بند ہو جانے کی وجہ سے ان کے گھروں میں موجود انویٹر بھی چارج نہیں ہو پاتا ہے، جس کی وجہ سے پنکھا چلانا تو دور عام لوگ اندھیرے میں رہنے پر مجبور ہو جاتے ہیں۔

انہوں نے کہا کہ 'جموں میں مارچ کے مہینے میں اس طرح کی گرمی پہلی بار دیکھنے کو مل رہی ہے۔ انہوں نے کہا کہ ایسی گرمی مئی جون میں ہوتی تھی۔ بار بار بجلی سپلائی منقطع ہو جانے کی وجہ سے وہ اپنے گھروں سے نکلنے پر مجبور ہو جاتے ہیں تاکہ وہ شہر میں موجود رنبیر کنال کے کناروں پر کچھ پل صرف کر کے ٹھنڈا پانی پی کر راحت کی سانس لے سکیں۔ people Reaction on maximum temperature in Jammu City