Rajnath Singh to Visit Jammu: وزیر دفاع راج ناتھ سنگھ 24 جولائی کو جموں دورہ پر

وزیر دفاع راج ناتھ سنگھ کل یعنی 24 جولائی کو جموں و کشمیر کے یک روزہ دورہ پر جموں پینچ جائیں گے۔ راجناتھ سنگھ شہید پریوار سمان تقریب میں بطور مہمان خصوصی حصہ لیں گے۔ راجناتھ سنگھ سہ پہر بی جے پی دفتر پر لیڈران سے جموں و کشمیر کی سیاسی صورتحال کا جائزہ لیں گے۔ Rajnath Singh to Visit Jammu

جموں: وزیر دفاع راج ناتھ سنگھ کل یعنی 24 جولائی کو جموں کشمیر کے یک روزہ دورہ پر وارد ہورہے ہیں جہاں وہ جموں کشمیر کے سرمائی دارالحکومت جموں کے گلشن گراؤنڈ میں وجے دیوس کے موقع پر شہید پریوار سمان تقریب میں بطور مہمان خصوصی حصہ لیں گے۔ Rajnath Singh to Visit Jammu

جموں و کشمیر پیپلز فورم کے پرچم تلے کارگل وجے دیوس کے موقع پر 24 جولائی کو گلشن گراؤنڈ جموں میں منعقد ہونے والی شہید پریوار سمان تقریب میں وزیر دفاع تقریباً دو ہزار شہید خاندانوں کو اعزاز سے نوازیں گے۔ وزیر دفاع راج ناتھ سنگھ پروگرام میں مہمان خصوصی ہوں گے اور آر ایس ایس لیڈر دتاتریہ ہوسبولے کلیدی مقرر ہوں گے۔ شہدا کے لواحقین کو شال اور یادگاری شیلڈ دے کر اعزاز سے نوازا جائے گا۔

میجر جنرل ریٹائرڈ ایس کے شرما نے کہا کہ جموں صوبے کی سرکردہ شخصیات اور سیکورٹی فورسز سے تعلق رکھنے والے سابق فوجیوں کو بھی پروگرام میں شرکت کی دعوت دی گئی ہے۔ 24 جولائی کی سہ پہر کو راج ناتھ سنگھ بی جے پی دفتر تریکوٹہ نگر کا دورہ کریں گے تاکہ پارٹی کے منتخب سینیئر لیڈروں کے ساتھ اسمبلی انتخابات سے قبل پارٹی کی تیاریوں اور جموں و کشمیر کی سیاسی صورتحال کا جائزہ لیں گے۔